انا و زوجي

تختبي تحت جلدنا آلاف القصص..

وكل منا هو قصة على رجلين تمشي..

ابطالها انا وانت وهي وهم..والرواية وإن طال نسجها لها نهاية..

تخدعنا ظواهر الشخصيات اللي بحياتنا من بسمة او كلمة او حتى اننا احنا اللي نخدع انفسنا بانهم صالحين..

كنت قبل اسبوع من اليوم اتكلم مع خالتي واقولها اني تعلمت كيف اتعامل مع الناس..وبنهاية اليوم اكتشفت اني باقي اتعلم..

آآآآه.. والله قهر وصدمة لما يكتشف الواحد فينا انه على قمة الغباء وهو يحسب انه ارتقى على عالي سفوح الفراسة..

من جد خيابه..إلا غروري اللي صدقته بنفسي اني تغيرت من فطرتي الساذجه الى الانتباهه والحذر..

لكن ماعليه..بظل اجاهد واجاهد إلى ان ارتقى من عالمهم إلى ان اكون زي ما اتمنى اكون..

..
..
..

وماهو غريب اني انا نفسي انخدع بنفسي..

بالوقت اللي احسب نفسي فوق.. أللقاني تحت..وبالوقت اللي اقول انتهيت ..أللقاني ابتدي..

ولما احسب نفسي اليفه ..اشوفني متوحشة..ولما افكر بنفسي وانجازها اللقاني هه في حضيض الفشل للاسف..

……هذي سالفة صارت من قبل عشر سنين او اكثر .. كنت ايامها مع من هم في نفس عمري..وكنت يومها بالذات متبغدده حيل وشايفة نفسي من باب الثقة مو من باب التكبر<< يعني ماحد قدي..خخخخخ

المهم .. كان يوم عادي زي باقي الايام …لكن نظرات بعض البنات لي باستهزاء خلاني ازيد ثقة بنفسي ولا افكر باحد ..

كان وقت ذيك النظرات عند الفسحه..ومشي الحال..

كان عندنا آخر الدوام حصة كيمياء "ما انساها" من قوة الملل اللي كنت احسة وكنت اطالع الساعة كل شوي..

وما بقي على الصرفة إلا عشر دقايق.. قمت اللعب برجولي<<يعني امرجح رجلي وانا جالسة على الكرسي..واذ بي فجئة انتبه لإختلاف الجزمة عن اللي اللبسها؟؟

فقربت رجليني جمب

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

من قلب ضامر ما انتهى , نبضة نبض عصفور ..

من الحب قلبي ما اكتفى , لكني قلتها مقهور ..

صباح الحب , مساء الإشواق ..

الليل معناه السهر..

والصبح توصل معه كل الافراح..

زمان كانت افراحنا بالنهار حتى المعايدات بالنهار..

اتذكر من طفولتي لمحات اعيش من ذكرياتها كل الأمل اللي اشيله بقلبي لليوم..

اتذكر بيتنا إللي من طين .. واتذكر سقفة اللي من سعف..

اتذكر ذاك الجبل بلونه الدافي..

اتذكر حبات البرد مع المطر يومها تنزل وبنزولها ترتفع ريحة الطين العذبة>> اشمها واعيشها واستلذ بلحظاتها لليوم..

اتذكر بيتنا المعمور..ودلة القهوة اللي طول اليوم تفور..

ولا اتذكر ان بيتنا خلا يوم من الايام من الضيوف , لا ليل ولانهار..

كان ابوي عايش مع ابوه وامه << اجدادي

"رحمة الله عليهم" وكان بيتهم فيه حوش وبالحوش دجاج وصيصان وغنيمات وتيس وتراب وحجار وزرع وزريبه ودرج وثلاث ابواب واذكر كيف ان قطونا يتمرد احيانا ويخطف من الصيصان وامي كانت تطرده تضامناً مع الدجاجات المستنفره  .. ولقطونا ذا قصص .. عني انا تربيت وبيتنا قطو ومن بعدها حبيت كل القطط..

كان بيتنا بيت جدي مملكة لعبت بكل مكان فيه …

كانت انغام بيتنا صوت نجر من صباح الله للمسى , وكل مامرنا ضيف بشتى او صيف الا ودندن له النجر دندنه ,

كانت امي طباخة البيت "رحمة الله عليها" ..

وابوي اتذكرة بثوبة البراق من البياض وهو بكامل زينته يوم يرجع من شغلة وكنه توه لابس الثوب <<امي كانت تموت عليه وتدلع فيه انواع الدلع..

كانت فرحته بشوفتنا اكثر من فرحتنا بشوفته .. حتى اذكر مره اشترالي عروسة تضحك وتبكي واختربت عليا بيومها ..

راح من يومها واشترالي غيرها لجل ما تنكسر فرحتي بلعبتي..

حبيبي يا ابوي "رحمة الله عليه"..

اتذكر جدي وهويلعب معاي بعد العشى يومها كنا مشعلين الفانوس ومتجمعين بصالة بيتنا

وانا باحضانك ياجدي"رحمة الله عليه" <<تمنيت تطول ذيك اللحظات للابد..

واتذكر جدتي يوم كنا نتشاقى ببيتنا ويهاوشنا ابوي كيف انها كانت تنهرة عنا ولا تخليه يوصلنا وفعلا كان ابوي ينتهي منا ولا يثني لها كلمه..يصير من سننا قدامها..

كانت جدتي مخبئنا ومهربنا من العقاب ومن كل الناس وكانت حنوووونه حيل "الله ينور قبرها برحمته"..

اما عن ابو امي فقد توفاه الله وامي ذات السنتين من عمرها واما عن ام امي فقد توفاها الله و امي بالسنه السادسه من عمرها<< يعني عاشة أمي يتيمة

فاجد نفسي اشتاق لهم ولم احضرهما..

"رحمة الله عليهم وعلى موتى المسلمين"

.
.
.

طفولتي..

مراهقتي..

انوثتي..

امومتي..

مراحل عمري كلها تبلورة من وراء ناس اجدهم بقلبي ولا اراهم..

وآخر من فقدت كانت أمي..الله يرحمها..

عرفت من ورى موت ابوي معنى الن اليتيم وانا بعمر الخمسة وعشرين وعرفة معنى الوحدة بعد موت أمي ..

حسيت نفسي مثل طائر تقصقصة جنحانه وطاح بارض كلها شوك وجمر ولامن معين ولا راحم غيرك يارب العالمين..

بس الفرق بيني وبين اليتيم اني ذقت هالنعمة وبعد زمن شاء ربي وفقدتهم..

مثلي مثل معاق بحادث على كبر…

ماني مثل معاق انولد بلا رجلين او ايدين..

قمة العجز هوشعوري الان..

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

اشتاق لضحكتي إللي غابت من زمان ..

زمان كنت بسرعة اضحك وبسرعة انسى وبسرعة اسوي اي شي .. يعني متهورة .. إللي يطلع براسي اسوية بدون تردد وخصوصا اللي مافيه اذية لاحد ..

اليوم حتى الابتسامة صارت متردده .. إلا متمرده .. ما ودها تظهر للعلن ..

كل تعابيري صارت بداخلي مكبوته ..

الصمت احتواني ..

ادري انهم هم السبب ..

لكني صامده وصامته قدامهم ولا انهزمت ..

قفلت على باب التشكي لهم وافضيت سري وهمي للي خلق هالكون بمعايير ..

اشياء بسيطه تشعرني بالسعادة ..

اولها ان لهذا الكون حاكم هو الله >> فافرح واطمئن ..

ثم لما اسمع تغريد الطير احسها الدنيا بخير

وآخرها بنتي إللي لونت حياتي بوجودها و اعطت لي مكانه ومعنى واهتمام .. خلتني احس قد ايش اني غاليه بوجودي بحياتها وانه في مخلوق محتاجني ..

امومتي جات متاخرة وانا بعمر الاربع و الثلاثين

وطول عمري ماكنت احمل بدواخلي اي مكانه للامومه او اهتم اني اكون ام وكنت راضيه كل الرضى ان ما عندي اطفال حتى وانا حامل فيها ماكنت متحمسة إلا كنت شايله هم الازعاج والقلق والقرف اللي من ورى تربية الاطفال .. وزاد عليها إن زوجي ماهو الشخص إللي يؤتمن او يكون شخص قد مسؤلية الاطفال وخصوصا انه متزوج قبلي واشوفه كيف يتعامل مع زوجته وابناءه الاربعه عند اللزوم فكنت انوح حضي اني حملت منه بعد خمس

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

روحي تناديك و لساني لمه الصمت..

والحب صار ذكرى مالها داعي..

كبرنا مع الايام ياحبي..كبرنا..

بيبي سمّيتك..وبكل الاحوال ناديتك..إلا ترجيتك..

بقيت على الدوام انا معك وانت هناك لاهي ولاهمك من يبي بيتك..

حقيقه انا ملّيت..

نفسي واعرفها..ماتعوف الشي إلا بعد ماتنكرف بالجراح من كل مكان..وانا انكرفت منك جراح..

من كثر ما ملّيت ماصرت اعدّ السنين اللي قضيتها وياك…هي خمس او ستّ او تسع سنين؟؟..الحقيقه انا من كثر ما ملّيت نسيت..

شفتني البارح بعينك ازهد المخاليق..واستفزني ذاك الشعور..إلا خلاني اثور..

ابتديت يومي وانا زي عادتي اتقرب منك وارتمي باحضانك..وانت مثل عادتك تتملل ولاتعلل..<< مايبلها شرح..مني زهق خلاص..

قلبي وسط ضلوعي سمعته بعدها يبكي..ولما سئلته ليه تبكي قال : انتي السبب..انتي رميتيني على شوك وجمر…..

سكتت..ومن غير تفكير قمت وتصرفت..جافيته..اي والله اني لاول مرّه اجافيه..ومن كاسه اسقيه..لكن الفرق بيننا اني مازلت مبتدءه وهو من عمر اجتماع

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج